Celtique ? Sed aze an diskouezhadeg a ra brud er mare mañ.

Un diskouezhadeg hag a zo e mirdi Breizh e Roazhon betag ar 4 a viz an Awen. ... Lakaet hon eus ar gaoz, dija, àr an tabut 'zo diàr benn an diskouezhadeg gant Ronan ar C'hoadig, da skouer, n'eus embannet e soñj àr lec'hienn internet Mediapart. A enep krenn sell ar mirdi àr ar liammoù etre Breizh hag ar vro Gelt, ha metodologiezh labour ar mirdi. Loig, a vro Brest, 'zo bet o weladenniñ an diskouezhadeg, plijet gant 'pezh 'zo roet da welout ha da lenn. Kavout a ra dezhañ n'eo ket sklaer, ur seurt, sav poent aozerion an diskouezhadeg àr 'pezh 'zo kelt pe get.

Ur pennad-kaoz gant Erwan Blanchard

Lañset eo ar festival Fisel !

E Rostrenn dec'h e oe bet roet lañs d'an hanterkantvet Festival Fisel !Ur fest da lakaat àr wel an terouer Fisel èl-rezon.. Mes ur fest digor frank àr hengounioù muzik ar bed a-beh ! Bout 'vo ur sonadeg get an arzour libanat Bachar Mar-Khalifé en dibenn-suhun.. mes ivez festoù-noz ha koñserchoù e gwasked karavanennoù brudet ar festival. Ohpenn e vo ur bourmenadenn, stajoù, koñkourioù, ha kalz a draoù souehus èl ur genstrivadeg c'hoari-video pe c'hoazh ur c'hoñkour youc'hadennoù... Dec'h vintin oe kroget ar gouel, e-kreiz marc'had Rostrenn. Armelle Lukaz, a guzul-meriñ ar Fiselerezh, a gomz damp a c'hoant ar gevredigezh da harpañ strollajoù neué krouet pe nebeut anavet er vro…

Ur pennad-kaoz gant Tomaz Laquaine.

Keleier kinniget deoc'h gant Yuna Kojan.

Keleier ar Vro