Marie Dagorn, pe Tintin Mari e-giz ma veze leshañvet en he bro, a oa ganet e Kervegen e parrez Goulien e 1892. Ur bern kanaouennoù he doa desket a-raok ar brezel bras, ha pa oa bet lazhet he gwaz en trañcheoù er bloaz 1915 e oa-hi dihanet da ganañ kazimant. Met he amezeien a ouie poursuiñ anezhi da ganañ e-barzh al labour. Daniel Jéquel en doa graet anaoudegezh ganti e 1979 hag e oa deuet a-benn da lakaat anezhi da ganañ dirak an dud. E 1981 he doa risivet ur priz e Kan ar Bobl an Oriant memes.