Kavet ez eus bet un arm nevez enep an dreist-bakterioù. Seul wezh m'ho peus afer gant un dañjer nevez e ranker modernizaat ho arsanailh d'en em zifenn, hag an enebour, d'e dro, a gavo un taol diarbenn da adc'hounit tachenn. Strategiezh-meur ar brezel an hini eo, ha dres heñvel eo an traoù evit ar pezh a sell ouzh ar yec'hed. Gwir tachennoù emgann eo hor c'horfoù diouzh ar savboent-mañ. Deus un tu an antibiotikoù, deus an tu all ar bakterioù. Hag ar re-mañ zo kreñvoc'h-krenvañ fas d'ar re gentañ.