Kinniget eo bet ar c'heleier get Aodren Trehin ar mintin-mañ.

Spi a zo en-dro evit Amzer Nevez goude freuz-stal ar gevredigezh e miz Meurzh!

Ur raktres nevez a zo savet tamm ha tamm evit ar greizenn a oa bet krouet e 1981 e Plañvour e-tal an Oriant. Ti-kêr an Oriant, hag a zo perc’henn ar savadur, he deus tapet an alc’hwezioù e penn komañs ar miz. Krouet e oa bet ur c’holektif get arzourion ha tud tost doc’h sevenadur ar vro e miz Meurzh. Lañset o doe ur galv evit saveteiñ Amzer nevez ha 4000 sinadur o doa bodet.

Ster a zo bet dibabet él anv evit ar c’holektif. Nicolas Syz a gemerperzh enan, a ya da laret deomp penaos eo aet an traoù a-raok e korf ar mizioù paset.

Ha da glevet ivez er c'heleier:

-Gwask a zo lakaet doc’h ar vanifesterion enep d’ar breinadur e Serbia.

-Kendalc’hiñ a ra ar Fastac, ur pestisid difennet e Europa, da vout produet e Frañs.

-Hag e c’hellehe cheñch ment ar c’henvandir afrikan àr gartenn ar bed ?

-Ur c’houlzad dañjerus eo an hañv da geñver ar feulsterioù graet get ar baotred doc’h ar maouzed.