Kinniget eo bet ar c'heleier get Aodren Trehin ar mintin-mañ.

Ar festival Motokultor en doe aloubet Karaez e-pad pevar devezh, etre diriaou ha dec’h.

120 strollad Metal a oa e Kerampuilh. Strolladoù él Thrown, Slope, Solitaris, Enforcer 'zo bet gwelet ha klevet, arzourion etrevroadel anezhe. En o mesk ‘oa em silet Tanork, ur strollad Death Metal a Vro-Roazhon a gomañs bout brudet e bed ar metal. Sonet o doe digwener àr unan ag al leurennoù bras. Efflamm, unan ag izili Tanork, a lar deomp ar pezh a blij dezhañ get ar Motokultor.

Kendalc’homp get ar Motocultor. Ar-dro 60 000 festivaler ‘oa en em gavet e Karaez.

Deomp da selaou un nebeut anezhe evit kaout un tamm ag blaz ar gouel-mañ. Roomp ar gaoz da Delphine Grall, a zo troet àr ar Metal hag àr ar Motokultor.

Klevet ho peus reportajoù savet get Erwan Blanchard.

Ha da glevet ivez er c'heleier :

-Goude tro Poutine digwener paset e vo tro Zelensky hiriv da vout demeret get Trump evit kaouit un emglev peoc’h.

-Manifestadegoù bras hag harz-labour hollek a oa dec’h e Israel.

-Monsonioù bras a zo ar mare-mañ e Bro Bakistan, ha cheñchamant an hin a zo kaoz int krenvoc’h krenvañ.

-Korf ur pemoc’h gouez a oa bet kavet ur wezh ouzhpenn àr un draezhenn e kumun Hilion e-tal Sant-Brieg.

-Sport :

Kemer a ray perzh skipailh Volley ball Bro Frañs ar maouezed da kampionad ar bed adalek diriaou.

Melldroad ar baotred: ur c'hrogad a oa bet dec’h etre Brest ha Lille e stad Françis Le Blé e Brest. Rampo 3-3 a oa bet.