Radio Breizh
Kinniget eo bet ar c'heleier get Aodren Trehin ar mintin-mañ.
Un diskouezadeg ag an arzour Robert Micheau-Vernez a zo en Oriant ar mare-mañ.
Ur bochad oberennoù ag l livour, tresour, kelennour, kizellour faiañsour ha paotre barrek àr an arz sakr a zo da welet.
Mikael Micheau-Vernez, mab an arzour ha Sten Charbonneau anavet vit bout troour, o doe kejet e Gouel ar gelted blezadoù ‘zo. Ha justawalc’h, e-pad gouel ar Gelted he deus Aodren Trehin kejet get Sten Charbonneau en diskouezadeg. Eñ anava mat oberenn Micheau- Vernez, ha kontiñ a ra deomp pegen talvoudus eo.
Moiand ‘zo dijoloiñ digoust labour an arzour betek an 21 a viz Gwenholon en Oriant.
Da glevet ivez er c'heleier:
-Ar marc’hatadennoù diàr feur-emglev àr saotradur plastik a chom bout e Geneve e Bro Suis.
-Emmanuel Macron a anzava evit ar wezh kentañ he deus Bro Frañs brezeliet e Bro Gameroun e-pad an didrevadenniñ.
-Nac’het en deus ez-ofisiel an FNLKS, strollad dizalc’hour Kaledonia-nevez, emglev Bougival.
-Kavet 'zo bet listeria 'barzh un 40 keuz bennak.
-E Breizh emañ terzhienn an deñved en em streviañ.
-Kroget eo an enklaskoù geo-teknik e pleg-mor Montroulez evit sevel ur park tourioù-avel àr vor.