Kinniget eo bet ar c'heleier gant Metig Jakez-Vargas ar mintin-mañ

Kuitaat a raio gouelioù an islandiz hag an Douar-Nevez e Pempoull label Gouelioù bravañ Frañs

Un dek gouel hengounel bennak a zo bet lakaet war wel gant ar gevredigezh hag al label « Bravañ Gouelioù Frañs » ar bloaz-mañ e Breizh. Met diskoachet he deus ar gazetenn l'Humanité ar 'zhun dremenet e oa liammet ar gevredigezh-se ouzh Pierre-Edouard Stérin, ur miliardour deus an tu dehoù pellañ a glask lakaat e grabanoù war pep tachenn a zo evit kreñvaat pouez e vennozhioù er gevredigezh. Peadra da chalañ ar gouelioù a zo bet touellet. Gouel an Islandiz hag an Douar-Nevez e Pempoull, he deus divizet kuitaat « Bravañ gouelioù Frañs ». Aozet e vez ar gouelioù gant an ti-kêr hag ar gevredigezh Anjela Duval. Muioc'h a ditouroù gant Goulven Morvan, eilmaer Pempoull en karg eus ar sevenadur.

Ha da glevet ivez er c'heleier :

- N'eus ket bet lazhet biskoazh kement a gazetennerien e-pad ur brezel eget e Gaza

- Emañ broioù Katar, Egipt hag ar Stadoù-Unanet o labourat war un harz-brezel e Gaza

- Gounit tachenn a ra an arme rusian e Ukrenia

- Gellout a rafe prezidant Ar Salvador bezañ dilennet betek fin e vuhez

- Warc'hoaz e krogo ar festival Motocultor e Karaez

- Pennoù-embregerezh ha dilennidi lec'hel a zo tamallet dezhe bezañ lakaet gwask war stourmerien a-enep an hent-tizh A69