Kinniget eo bet ar c'heleier ar mintin-mañ gant Metig Jakez-Vargas

Dec’h e oa dalc'het devezh diwezhañ Gouel ar gelted en Oriant

Lidañ a rae ar strollad « Breizh Amerika collective » e 10 vloaz e-pad ar festival. Ar strollad a zo perzh eus ar gevredigezh Breizh Amerika a grou liammoù sevenadurel hag ekonomikel etre norzh Amerika ha Breizh. Ur strollad muzisianed a cheñch a vlez da vlez a zo er strollad-se. Lors Landat a oa er skipailh e deroù ar strollad, ha distro e er raktres ar bloaz-mañ. Kontet en deus hiroc’h da Aodren Trehin...

Difennet e oa bet d'ar gevredigezh Breizh Unvan kemer perzh e dibunadeg-veur Gouel ar Gelted

Dibunañ a raent koulskoude abaoe 2017. An diviz-se, bet tapet nebeut amzer a-raok ar festival, en deus souezhet izili Breizh Unvan rak berzh a rae o giton bewech. Ar gevredigezh a stourm evit adunaniñ Liger- Atlantel da rannvro melestradurel Breizh. Gallet o deus derc'hel ur stand e-pad ar gouel memestra. Muioc’h a zisplegadennoù gant Alan Ar Gal, teñzorour Breizh Unvan.

Ha da glevet ivez er c'heleier :

- 100 000 a dud o doa manifestet e Israel disadorn a-enep da raktres diwezhañ Netanyahu evit kontroliñ kêr Gaza

- Kejañ a raio prezidanted Rusia hag ar Stadoù-Unanet digwener evit marc'hatañ un emglev peoc'h e Ukrenia

- Saotret mik eo boutailhoù dour ar merkoù « Contrex » hag « Hepar » gant ar plastikoù munut

- Kuitaat a raio Gouel an Islandiz hag an Douar-Nevez e Pempoull ar gevredigezh "Les Plus Belles Fêtes de France"

- Votet o deus annezidi enez an Arzh dec'h evit reoliañ an niver a otoioù war an enezenn