Kinniget eo bet ar c'heleier ar mintin-mañ gant Metig Jakez-Vargas

Nann d'an armoù nukleel

80 bloaz 'zo e oa bet lañset bombezennoù nukleel war Hiroshima ha Nagasaki e Bro Japan o doa lazhet tro 200 000 den en holl. Ar re ne oant ket bet devet na marvet war an taol a zo alies marvet gant ur c'hrign-bev liammet d'ar radioaktivelezh da c'houde. Savet zo bet ur feur-emglev a zifenn d'ar broioù kaout armoù nukleel e 2017. E 2024 e oa bet roet ar Priz Nobel d'ur gevredigezh a vod tud a-enep d'an armoù nukleel. Met n'eo ket prest ar Stadoù da zistruj o armoù nukleel koulskoude. Ur vodadeg a oa aozet gant ar CIAN (collectif pour l'interdiction des armes nucléaires) Penn ar Bed dec'h er Faou ha war Menez C'hom. Goulenn a reont gant gouarnamant Bro C'hall distruj e armoù nukleel. Michel Cluytens a oa e touez ar vanifesterien...

Ha da glevet ivez er c'heleier :

- Nec'hus bras eo stad ar c'houraleg meur Aostralian

- Kroget e oa dimeurzh an emglevioù bedel war ar plastik

- Savet e vo pont a-istribilh brasañ ar bed etre Italia ha Sisilia

- Kenderc'hel a ra tan bras spontusañ an hañv e Okitania

- Gounezet he deus kumuniezh kumunioù Oleron ur prosez a-enep da Leboncoin

- Implijidi kêr Brest a vo en karg eus ar c'hamerioù evezhiañ e Brest bremañ

- Oberennoù afrikan laeret da vare an trevadennoù gall a zo diskouezet e Breizh