Embannet eo bet ar c'heleier gant Anton Burel

Ar pezh c'hoari Spluj e Jamaika

E fin miz Gouere e oa bet pedet ar strollad c'hoariva Piba da ziskouez ur pezh c'hoari, Spluj, e 30vet kendalc'h an AIFM, Aotrouniezh Etrevroadel an Donvor, e Kingston, e Jamaika. Diwar ur c'henlabour etre skiantourien an Ifremer hag ar strollad c'hoariva e-bourzh bag ar Pourquoi Pas e bet savet ar pezh c'hoari-se, ur c'henlabour arzel ha skiantel neuze. Ur splujadenn en donvor kaset gant komedianed, evel Kristof ar Menn. Muioc'h a zisplegadennoù gantañ.

Ur pennad-kaoz gant Metig Jakez-Vargas

Ha da glevet ivez er c'heleier :

• Liban war-nes ar brezel diabarzh

• Lid 80 vloaz Bombezadenn atomek Hiroshima

• Tangwall en Okitania

• Tabutoù war Sandrine Rousseau hag he c'hoant prenañ un eil-ti e Dineol