Kinniget eo bet ar c'heleier ar mintin-mañ gant Metig Jakez-Vargas

Tro Frañs ar maouezed war velo

Echuet e oa Tro Bro c’hall ar plac'hed war vac’h houarn disul. E 2022 e oa bet aozet en-dro hag hir eo bet an hent evit ar sportourezed. Tro Frañs kentañ ar plac'hed a oa bet dalc'het e 1955 met ne oa ket bet kendalc'het ar bloaz war lec'h 'blam d’ar seksism er sportoù. Adaozet e voe tro Frañs ar maouezed etre 1984 ha 1989. Kenstrivadegoù all a voe betek 2022 met hep na vefe implijet an anv « Tour de France » evit ar redadegoù-se, nag ar roched velen. Tamm ha tamm e vez graet muioc'h a blas d'ar maouezed er sport-se ha berzh en doa graet ar genstrivadeg ar bloaz-mañ. Teir lodenn eus an Tour a dremene e Breizh. Evelyne eus Plougoñveur hag a oa bet o welet an tennad kentañ etre Gwened ha Pluveleg...

Ha da glevet ivez er c'heleier :

- Marvet eo pemp mengleuzier e bro Chile

- Kondaonet eo bet prezidant kozh bro Kolombia, Alvaro Uribe, da vezañ bac'het er ger 12 vloaz

- Distruj hilastalerioù evit ar maouezed, bet paeet gant ar programm US AIDS, a fell da Zonald Trump

- Sevel ar ra ar CNIL a-enep d'ar rouedad kameraoù evezhiañ e straedoù Brest

- Klask a ra Pierre-Édouard Sterin, ar miliardour eus an tu dehoù pellañ, en em silañ e festivalioù hengounel ar vro