Kinniget eo bet ar c'heleier gant Bleuenn Al Lae ar mintin-mañ.

Ha sellet ho peus ouzh ar stered en hañv-mañ ?

Abaoe 35 bloaz e vez aozet gant an AFA, kevredigezh steredoniezh bro-C'hall, nozvezhioù evit brudañ ar steredoniezh, anvet « Nozvezh ar Stered ». Darvoudoù a vez aozet e pep lec'h e Frañs hag e Breizh gant ar c'hevredigezhioù steredoniezh amatour. Dominig Merrien a zo ezel eus ar strollad Loar Gann e bro Gerne. Aozañ a rint un nozvezh disadorn er Yeuc'h, 'kichen Douarnenez. Displegañ a ra deomp petra eo tem ar bloaz. Aterset gant Metig Jakez-Vargas.

Ma vo fall an amzer e vo nullet ar prantad sellet ouzh ar stered er maez met ar brezegenn a vo dalc'het memestra disadorn er Yeuc'h da 8e30 hag ur c'hwiz war tem ar stered a vefe aozet e plas.

Degadoù a zarvoudoù a vo e Breizh a bezh evit Nozvezh ar Stered, gellout a rit mont da sellet ma vo unan tost eus ho ti dre lec'hienn an AFA (association française d'astronomie).

Ha da glevet ivez er c'heleier:

-Disoc’h ur prosez a enep Glyphosate Monsanto a zo bet dec’h

-Ar Gouarnamant en deus lakaet e plas ul lec’hienn internet e lec’h ma ez eus tu sellet diouzh ar PFAS en dour.

-Gouelioù bras a grog hiriv e Breizh: gouel ar gelted en Oriant ha gouel Penn ar bed kostez Kraozon

-E Gaza n’eus ket trawalc’h a sikour etrevroadel c’hoazh

-Hag e memes koulz emañ Slovenia o vont da zifenn gwerzhañ armoù da Israel

-Emañ war sioulaat ar gemenadennoù tsunami e Meurvor Habask

-Aet ar maout gant Leon Marchand e Singapour