Kinniget eo bet ar c'heleier hiziv gant Metig Jakez-Vargas

Emañ an diplom studioù keltieg en arvar

Tennañ a ra an diplom-se eus tout ar pezh a sell deus Breizh hag ar broioù keltieg, pa vefe al lennegezh, an ekonomiezh pe c'hoazh an douaroniezh. Un diplom dibar eo na vez kinniget nemet e skol-veur Roazhon 2. Siwazh e c'hellfe mont da get 'blamm d'an troc'hoù budjed er skol-veur. Stefan Moal a zo e penn ar stummadur, selaouomp anezhañ.

Rentet e vo an oberennoù arzel pe sevenadurel bet laeret gant Frañs

Ur raktres lezenn-stern evit rentañ ar madoù sevenadurel a zo bet laeret gant Frañs a vo kinniget er Sened e miz Gwengolo. Daoust da brezegenn Emmanuel Marcon e 2017 e Ouagadougou e Burkina Faso hag d'an danevell Savoy-Sarr ar bloaz goude, ez eus bet restaolet nebeud a vadoù sevenadurel 'vit poent d’ar broioù bet trevadennet. Dec’h e oa bet kinniget ar raktres lezenn-stern mañ e kuzul ar vinistred.

Ha da glevout ivez er c'heleier :

- Broudet en deus Emmanuel Macron dec'h ar broioù all da anavezout stad Palestina

- Ur c'hrenn-douar 8,8 zo bet dimeurzh da noz er C'hamtchatka

- Rediet e vo al labourerien-douar da gemer perzh er steuñvoù stourm a-enep ar bezhin glas

- « La Meteo Bacterio », un arload nevez evit heuliañ kalite an dour stêrioù bro Leon

- Tomm-gor eo ar mor e Breizh

- Livet eo bet burevioù Solidares56 en Oriant gant tud eus an tu dehoù pellañ

- Renablet e vo peulvanioù Karnag e glad bedel an Unesco