Keleier ar vro d'ar Lun 21 a viz Gouere 2025

Radio Breizh

Keleier ar vro d'ar Lun 21 a viz Gouere 2025

En savoir plus sur

Kinniget eo bet ar c'heleier get Aodren Trehin ar mintin-mañ.

Muioc’h eget 200 000 festivaler o deus aloubet tachenn Kerampuilh e Karaez e-pad pevar devezh.

Ar blez-mañ e oa an deirvet gwezh ha tregont e oa aozet festival an Erer kozh. Ur programm ag ar c’hentañ a zo bet kinniget d’an holl arvesterion sur deoc’h. Penaos eo tremenet ar festival en desped d’an amzer lous a zo bet a wezhioù e korf an dbenn sizhun-mañ ? Un tamm bilañs get Thierry Le Ster a zo ezel kuzul merañ an Erer kozh. Emañ get Erwan Blanchard a oa àr blas e-pad ar gouel.

Kendalc’hamp get ar festival !

Digoret e oa bet an Erer kozh get Horizontal Francis Digwener.

Lakaet eo bet àr wel ar strollad a Landerne get Label des Vielles Charrues. Ar pal a zo rein tu da strolladoù ar vro da soniñ àr unan a leurennoù ar gouel. Tremenet mat tre e oa ar sonadeg get ar strollad Rock. Selaouomp Corentin Dauneau hag Adrien Gouez, daou sonour a Honrizontal Francis. Aterset e oant bet get Erwan Blanchard atav.

Ha da glevet ivez er c'heleier:

-Krenvaet eo bet get Unvaniezh Europa e gastizoù a-enep Rusia.

-Un emglev harztennañ a zo bet kavet e Siria etre ar prezidant Ahmed al-Charaa ha Benjamin Netanyahou.

-Gouarnamant Republik demokratel ar C’hongo hag ar strollad M23 o deus ivez kavet un emglev prinsip evit un harz-tenniñ padus.

-Ar sinadeg a-enep al lezenn Duplomb he deus dastumet ouzhpenn ur million daou gant mil sinadur.

-Sport: Kard gourfenn euro ar merc’hed : trec'h eo bet an Alamanezed àr merc'hed Bro Frañs + Krogadoù amiapl a-raok digoradur krogadoù al lig 1 : 1-1 An Oriant-Osasuna