Aet eo Gilbert Kabon, bet stourmer evit Breizh hag ar brezhoneg

Gilbert Kabon zo aet d’an oad a 65 bloaz e fin ar sizhun tremenet. Gilbert oa brudet ‘bar metou stourm evit Breizh hag ar brezhoneg. Hudu e vo dalc’het obidou Gilbert ‘ba Gwitalmeze, bremaik da 10e. Nevez zo e oa c’hoazh teñzorer Arvorig FM ha Brudañ ha Skignañ. Un tamm sell war buhez stourm Gilbert Kabon gant Yann-Fañch Kerneiz, prezidant Arvorig FM anezhañ, en deus bet tro da labourat a dost gant Gilbert. Ur pennad-kaoz gant Erwan Blanchard.

Kan dre gan, kampion Breizh al lazoù-kanañ

Un nebeut devezhioù zo e Iliz Sant Tomaz e Landerne e oa bet dalc’het Kampionad Breizh rummad kentañ al lazioù kanañ. Evit laz kanañ Roazhon e oa ar wech kentañ dezho kemer perzh er genstrivadeg-mañ gant ma oant o paouez pignat e rummad 1, ha deuet eo brav gantañ. An ugent a dud a zo perzh deus Kan dre gan neun gounezet hag int deuet da gampioned Breizh al lazioù kanañ. Selaouomp daou ezel deus Kan dre gan diouzhtu rener ar strollad Yves le Martray ha Marie-Claire Alegoet a gan ‘sambles gantañ el laz kanañ … kontañ a ra deomp penaos eo bet ar genstrivadeg ...

Ha da selaou ouzhpenn 'bar c'heleier:

• Lañset eo festival an Erer-Kozh 'ba Karaez!

• Echu eo gant ar politikerezh gant Marguerite Lamour

• Aet eo Loïk Le Floc'h-Prigent

• Marvet zo Palestinianed e-kichen ur greizenn da ingalañ boued zo dalc'het gant Izrael hag USA

• Ha dieubet e vo Jorj Abdallah?

• Tro Bro-C'hall: an 12 vet tennad etre Auch hag Hautacam a vo skignet war pemp radio e brezhoneg