Kinniget eo bet ar c'heleier get Aodren Trehin ar mintin-mañ.

Setu hanterkant blez 'zo e oa bet embannet al levr « Marc'h al Loc'h », skrivet get ar bigouter Pêr Jakez Helias.

Div diskouezadeg a zo gouestlet d'an oberenn-se, e Pont-n-Abad hag e Loktudi. Ur splujadenn en amzer gozh, a vez diskrivet el levr milvrudet. Kinniget e vo an diskouezadeg doc’htu get Rozenn Tanniou, a labour e ti an douristed bro Vigoudenn. Emañ get Metig Jakez-Vargas.

Digor e vo an diskouezadeg betek ar 5 a viz Eost e kreizenn sevenadurel an Triskell e Pont-n-Abad ha betek ar 24 a viz Eost e Maner Kerazan e Loktudi. Muioc'h a ditouroù a zo da gaouit dre lec'hienn mirdi bro Vigoudenn.

Ha da glevet er c'heleier:

-E Bro Brazil e c’houlenn ar brokulaer ma vehe kondaonet Jair Bolsonaro evit bout anseet gober un taol stad.

-Eztaolet en deus François Bayrou e ginnigoù evit budjed 2026. Risklañ a ra bout sañsuret.

-Distro e vo ar c'hoñje soudard e Bro C’hall en ur stumm a youl vat.

-Ur pezh mell oberadenn a zo bet graet get Le Relais e pep lec’h e Frañs: Skuilhet eo bet geti dilhad àr al leur dirak stalioù bras.

-E Brest, an enklask publik a gadarna ar raktres stad melldroad Arkea Park.