Prosez pesketa toun er-maez lezenn 'ba mor kreizdouarel zo 'ba Narbonne

Un afer bras pesketerezh maez-lezenn a zo barnet e lez-varn Narbonne, e Su Frañs, abaoe dimerc'her. Tamalet eo pesketerien amatour klub pesketerezh ar vro gant an OFB, Ofis Gall ar Vevliesseurted, da vezañ pesketet kantadoù a doned ruz er mor Kreizdouar ha gwerzhet anezho da c'houde, etre 2017 ha 2020. Ur spesad gwarezet eo padal an ton ruz, en arvar emañ, ha reolennet-tre eo pesketa ar spesad-se, gant kotaioù strizh evit ar besketerien a-vicher koulz hag evit ar besketerien amatour. Brieuc Le Roc'h en deus heuliet ar prosez evit ar gevredigezh FFPSA (fédération française de pêche sportive en apné), a zo aet da gevrenn keodedel (partie civile) en afer-mañ. Emañ gant Metig Jakez-Vargas.

Diwallomp gant an dour!

Erru an hanv evel ar pezh ‘peus merzhet moarvat. Heol o parañ, tomm tomm eo zoken ‘ba Breizh… Dont a ra war wel kistion implij an dour a c’hall mankout evel ‘ba Breizh dreistholl ‘bar reter ‘ba Isle ha Gwilen. Penaos espern an dour hag implijout e nebeutoc’h deushañ… Un nebeut respontou gant Pauline Kerscaven zo karget a gehentin ‘ba Eaux du Ponant eo ar stal ‘vez ingalet an dour ‘ba bro Brest ganti. Ur pennad-kaoz kaset gant Erwan Blanchard.

Da selaou ouzhpenn 'bar c'heleier

• Ne vo ket tennet banniel Palestinia eus talbenn ti-kêr Garaez

• "Demandez Anjela", ur stignad evit sikour ar maouezed harellet war ar straedoù zo e pleustr 'ba Brest

• Ha muioc'h a skoazell a vo kaset da Gaza?

• Gwerniou kreisteiz Bro Irak a ya war sec'hiñ gaozen ... d'ar sec'hor

• Sant-Malou- Mur: seizhvet tennad Tro Bro-C'hall zo hudu

• Titouan Kastryg, eus Sant-Malou, zo kampion ar bed espoirs kanoe-kaiak