Gwenn' zo anavezet mat gant selaouerien ha selaouerezed Radio Naoned evit e gronikenn Labous Web. Paotr an teknologiezhioù eo Gwenn ! Abaoe ur pennadig bremañ e implij ar rouedad Discord evit c'hoari en linenn, ha c'hoari e brezhoneg mar-plij. Estreget c'hoarioù-video brezel a vez kinniget. C'hoarioù strategiezh evel "Age Of Empire" a zo ivez. Met n'eo ket Discord un dra gouestlet d'ar "Gamers" hepken ! Div sizhun 'zo e oa bet krouet ur "Saloñs" pe ur gaozeadenn evit ar re a fell dezho eskemm e brezhoneg dre gentelioù pe Chat. Un intrudu a-feson hag a ra berzh da vare an dispell. 250 den zo bet koumanantet dija ! Gwenn 'neus respontet da c'houlennoù Marianne Vaidie dre bellgomz.