Hiziv e tesker hiroc'h war sezon Maouted Kemper, ar c'hlub Basket a-vicher, gant Roland Martot, unan eus o harperien niverus. Mont a reer da zañsal ha da c'hoariñ e brezhoneg gant bugale vihan hag a vez diduet gant Vanessa Guillou, animatourez evit War 'l Leur. Sadorn a gollo he gwalennoù un dro bennaket. Met n'eo ket warc'hoazh e c'hoarvezo. Un tañva eus an abadenn Deomp Dezhi ho po ivez: en dro-mañ e ouezo ar vugale hiroc'h war orin ar greun kafe, hag ar mod d'o frepariñ.