Abaoe pell e faote da Ronan Menardeau mont da Israel. E weladenn gentañ en deus graet d'ar vro yuzev e-kerzh miz Du 2012. Bet eo e Tel Aviv, Massada, Haifa... a-bep eil eo bet etre buhez ar yaouankiz eno hag Istor ar yuzevien, etre ar startijenn hag ar parfetiz, etre ar riboul hag al lid, etre ar glad kozh Noe hag an arkitektouriezh a-vremañ a weler a-bep tu e kerbenn Israel, ha dreist-holl etre Palestinianed hag Israelianed. Re verr an deizioù, ret 'vo dezhañ ober un eil beaj evit pourmen e Jerusalem hag e peurrest ar vro. Mard 'eo posubl c'hoazh.