Deomp da Gerien en-dro hiziv ! Joel ar Floc'h a zo kizeller e Beg ar Roz, 'kichenn bourc'h Kerien. Ugent vloaz 'zo bremañ eo-eñ krog da skultañ : labourat a ra gant koad, gant maen, gant houarn, gant askorn memes, pe c'hoazh gant houarnachoù ha traoù kozh 'neus dastumet un tamm partout. Sevel a ra a-bep seurt traoù : statuioù bras, statuioù bihan, taolennoù ... Joel an hini eo 'neus savet marc'h-du ar festival Tomahawk ! Interest-bras eo gant istor ar brezel pevarzek hag ar brezel diwezhañ ivez, ha neuze 'neus savet ur seurt muse bihan a-dreñv e di, evit diskouez d'an dud ar pezh 'neus kavet.