Warlene eo deuet brav gant skipailh Volley Kemper. Kampionezed Frans int bet e Nationale 1, tapet ganto ar priz neuze ha ar gwir da gemer perzh e kampionad uhelañ volley Frañs, al ligue A. Un taol kaer evit skipailh ur gêr ken bihan ha Kemper. Yeun ar Rest, bet sekretour ar c'hlub, hag a zo bremañ o tisplegañ ar matchoù evito, a ginnig deomp istor ar sport e Kemper ha penaos eo deuet da gemer perzh.