Orin Gouelioù Meur Kerne a zo da vezañ kavet er bloavezh 1923, tost 100 bloaz 'zo neuze. Er penn kentañ e oa gouestlet da zilennadeg Rouanez Meur e-touezh rouanezed lec'hel ar vro, hag eo gant Loeiz Bourhis oa deuet ar mennozh, perc'henn ur sinema e Kemper. Chañjet kalz eo bet ar gouel dibaoe. Ar bloaz-mañ 'vo kavet eno c'hoariva, strolladoù sonerezh, diskouezadegoù pe c'hoazh prezegennoù diwar-benn Breizh. Klervi Rivière a ginnig ar programm deomp.