Tren harzhet gant ekolgourien 'ba Sant-Jelan: etre 3 ha 6 miz toull-bac'h gant goursez zo goulennet gant ar brokulaerez

E 2022 ‘oa bet kaset un obererezh get 12 ezel a Bretagne contre les fermes usines e Sant-Jelan. Ar re-se o doa savet ur voger àr an hent houarn evit arest un tren a gase marc’hadouriezh betek an uzin Le Gouessant. Goude 3 blezad enklask e oa benn ar fin degouezhet mare ar prosez dilun en Oriant. Embannet e vo an disoc’h d’an 11 a viz C’hwevrer. Aodren Trehin de doe goulennet get Yann, unan ag an 12 stourmer, penaos eo paset ar prosez.

"An Dreverzh" gant Toni Galmes, ul levr da brofañ d'ar vugale

E-mesk al levrioù en deus graet trouz en distro-skol lennegel ez eus An Dreverzh gant Toni Galmes. Al levr evit ar vugale adalek 7 vloaz a zo diwar-benn « An deiz bravañ eo bet er brezel gwashañ » : Da nozvezh an Nedeleg e 1914, e deroù ar Brezel-bed Kentañ, soudarded hag a oa o stourm e trañcheoù kalon Europa ‘noant disklaeriet un harz-tennañ evit paouez gant an emgannoù. Ur sujed kri met leun a spi a zo frouezh ur gejadenn etre Timilenn hag ur gatalanez a ra war dro gwerzhañ gwirioù evit tiez embann Katalonia, hag he deus kinniget ar c’hatalog a oa ganto. Selaouomp diouzhtu Brendan Gillouzic Gouret deus an Timilenn.

Ha da selaou ouzhpenn 'bar c'heleier:

• 90 miliard a euroioù prestet gant an UE da Ukren

• Daleet eo bet sinadur an emglev gant ar Mercosur

• Ul lezenn evit didamallañ ar maouezed 'neunt diforc'het etre 1870 ha 1975 zo bet votet

• 200 den o vanifestiñ 'ba Lannuon da geñver devezh etrebroadel evit ar repuidi

• Visa 29 'neus savet ur pranatd da gaballiñ eus feulsterioù an tu dehou pellañ 'ba Brest

• Un tamm sell war ar sportoù