Taget eo bet pratikou Cafe de la Plage 'ba Brest gant Faskourien

1500 den ouzh ar faskourien. Disul da noz ‘oa bodet kalzig a du ‘ba Brest evit lakaat war wel an darvoud ‘oa c’hoarvezet disadorn noz ‘ba plasenn Guerin, chouk d’an tavarniou. Etre 20 ha 30 den kuzhet o fenn ‘vit lod, armed evit lod all ‘neunt taget pratikou tavarn Le Cafe de la plage : taolet an taolioù warno, roet taolioù bizhier base-ball dezho, gloazet un nebeut tud ha spontet an holl. Pad pemp munutenn eo bet feuls tre ‘evel ‘pezh ‘zo diskouezhet gant ur video filmet gant un den zo o chom nepell eus plasenn Guerin… Disul da noz ‘oa manifestet eus plasenn Guerin beket plasenn ar straed Siam dindan luganou « Brest Anti fa » pe c’hoazh « Ni zo tutti anti fasciti ». Roomp ar gaoz d’un nebeut manifesterien… War blas ‘oa Erwan Blanchard.

"World clean up day": skolajidi Brizeux an Oriant 'neunt kempennet tro dro d'o skol

Ar « World clean up day », an devezh etrevroadel da netaat ar blanedenn a oa digwener paset, an 20 a viz Gwenholon. Da zigarez an darvoud-mañ o deus skolajidi Brizeux en Oriant dastumet lastez, ambrouget get o c’helennour brezhoneg Serj Bozeg. Tro ho po da glevet diouzhtu ar bemveidi Lucie, Adel, Dorian (distagañ « Dorianne ») hag Alwena get Aodren Trehin. Mennet e oa holl anezhe àr an dachenn. Dastumet ‘oa bet 30 kilo boutailhoù gwer, àr-dro 300 litrad traoù a bep seurt e plastik, ha 3 kilo dilhad. Ha kement-mañ en ur vout chomet just tro-dro d’ar skolaj ! Sikouret e oa bet ar gelennerion hag ar skolajidi get servij al lastez tolpad-kêr an Oriant evit gouiet penaos diforc’hañ a-feson. Ur reportaj gant Aodren Trehin.

Ha da selaou ouzhpenn 'bar c'heleier:

• Anvavezet eo Palestina evel ur Stad gant Frañs, Beljia, Luksambour, Monaco hag Andorre abaoe dec'h da noz

• 40 000 manifestour ouzh ur raklenzenn war digastiz an deputeed 'ba Brazil

• 25 000 den war ar straedoù 'ba Dulenn evit difenn an iwerzhoneg

• Glav-puilh 'ba Aodoù-an-Arvor: ur vaouez zo bet beuzet

• Ousmane Dembélé eo c'hoarier gwellañ ar bed e 2024-25: normal eo, stummet eo bet 'ba Breizh gant Stad Roazhon.