Kinniget eo ar c'heleier gant Erwan Blanchard.

Ur c'hinnig lezenn gant Gael Roblin evit bout mestr war politikerezh ar Yec'hed 'ba Breizh

Penaos gwareziñ ha diorren servij publik ar yec’hed e Breizh ? Setu goulenn meur a zilennidi hag a dud e Breizh da vare an enkadenn a zo er vro. Etre an ospitalioù a zo en arvar da vezañ serret hag an diouer a vedisined jeneralist eo teñval an dazont. Setu Gael Roblin, kuzulier-kêr Gwengamp an tu-kleiz dizalc’hour War Sav, neus kavet un diskoulm ha savet ur c’hinnig-lezenn a zo kinniget d’an dud war lec’hienn ar Sened e stumm ur sontadeg. 100,000 sinadur a zo da rastellat e korf 6 miz hag e c’hellfe Breizh kaout kirriegezh politikerezh ar Yec’hed e Breizh. Petra c’hellfe bezañ arc’hantet en un doare resis ha petra cheñchfe evit ar vretoned ? Selaouomp Gael Roblin diouzhtu… Emañ gant Anton Burel.

Solitudes, ar raktres arzel nevez dougenet gant Klaris Bailleul

Abaoe kreiz miz Mae emañ Klaris Bailleul oc'h ober ur « chomadenn » arzel e ti « La Tannerie » e Plourin-Montroulez. Un digarez evit an arzourez da ziskouez he raktres testennioù anvet « Solitudes » eno betek dimerc'her. Emañ gant Maelys Poublanc en Arvorig FM.

Ha da selaou ouzhpenn 'bar c'heleier:

- Bugaled Breizh: an UDB zo bet klevet e vouezh 'ba Matignon dec'h

- Osons! Kas a ra ar gevredigezh eus Sant-Malou an Timac dirak al lez-varn

- Skol-Veur an UBO zo erru 'ba renkadur QS World University Ranking

- Konklav war al leve: aet eo an tenn hebiou hervez ar CFDT

- Harzh an tan a vo 'bar brezel etre Izrael hag Iran?

- Ana Gros gant Brest Breizh Hand en-dro!