Embannet eo ar c'heleier gant Anton Burel

Ar gevredigezh Hirwazh-Ukraina o sikour pobl Ukraina

1194 devezh a vrezel kaset gant Russia ouzh Ukrena. Evit poent ‘neus bet kavet diskoulm ebet evit lakaat ur fin d’ar bec’h ‘zo ‘ba reter Europa. Kenderc’hel ‘ra tud Europa ar C’hornog da daremprediñ gant Ukreniz evit skoazell ‘nezho. ‘Ba Brest zo ur gevredigezh anvet Hirwazh-Ukren a dastum boued, louzeier ha kement tra a c’hallont kas da Ukrena. Nevez eo aet Greg Mogn asambles gant Kris Galès da Lviv zo tost eus an harzh etre Pologn hag Ukrena. Un tamm sell gantañ war e veaj dengar.

Ur pennad-kaoz gant Erwan Blanchard

Kartenn skol 22

Kollet e vo bern postoù-labour skolaerien ha skolaerezed en Breizh 4 departamant en distro-skol da dont. O klask esperniañ arc'hant emañ Akademiezh Roazhon, o tigreskiñ an niver a eurvezhioù a vez roet d'ar skolioù ha skolajoù. Un efed 'vo a-dra sur war galite an deskadurezh evit ar vugale. Yann-Pier Diredel, skolaer ha sindikalour en FSU, 'noa roet dimp e sell war ar jeu a vo en distro-skol.

Ur pennad-kaoz gant Gwenvael Delanoe Ar Berr

Ha da selaou ouzhpenn er c'heleier:

• Keloù deus ar Brezel e Palestina

• Tanioù-gwall e Kanada

• Alfred Dreyfus zo bet anvet ‘giz Jeneral brigadenn

• Ur podskign nevez war ar vreudeur Guillevic gant Karl