Kinniget eo bet ar c'heleier ar mintin-mañ gant Metig Jakez-Vargas

War fallaat ez a yec’hed spered ar vugale hag ar grennarded e Frañs...

Hervez an FHF, Kevredad an ospitalioù gall, e oa bet ur c’hresk a 32 % a chomadennoù er servijoù pedopsikiatriezh en ospitalioù e Frañs e-keñver ar sifroù a oa gortozet e 2024. Displegadennoù a zo kinniget gant Anais Hériquet, klañvdiourez-psi a labour en Oriant hag e Logunec’h.

Un trede manifestadeg a oa disadorn er Chapel-Nevez, kostez Baod, a-enep ur raktres metanizer.

Kenaozet e oa gant ar gevredigezh Transparence Chapelle Neuve 56, ar c'honfederasion paysanne ha kevredigezhioù all evel dour ha stêrioù Breizh. Gaetan Duval ezel ar gevredigezh a gont hiroc'h deomp diwar-benn ar stourm-se.

Ha da glevet ivez er c'heleier :

- 400 000 a dud a oa en em vodet e straedoù Roma evit obidoù ar pab disadorn

- Sioulaet eo an darempredoù etre Zelensky ha Trump

- Un darzhadenn spontus zo bet e porzh Chahid Rajaï e Su bro Iran disadorn

- Dilennadegoù kannaded a vo hiziv e Kanada

- Fall e vo kalite an aer e hanternoz Breizh hiziv

- Ur gerig war ar sportoù