Kinniget eo bet ar c'heleier ar mintin-mañ gant Metig Jakez-Vargas.

 

Manifestadeg e Lannuon evit souten pobl Palestina

Ur pikol bered eo deuet da vezañ bandenn Gaza diwar c’hwec’h mizvezh a vrezel gant Izrael. Ouzhpenn 32 000 a dud zo bet lazhet eno. Hag emañ e sell bepred Benyamin Netanyahou da lakaat e grabanoù war Rafah, lec’h ma chom enket ur milion hanter a Balestinianed. En Europa eo ral ar stadoù ac’h a kentoc’h a-du gant ar Balestinianed. E-mesk ar re-se emañ Stad-spagn pe c’hoazh Iwerzhon. Evit a sell ar Stad-c’hall zo un digempouez etre ar c’homzoù hag an oberoù… E-lec’h all er bed e vez kavet broioù taeroc’h e-keñver Izrael, evel Kolombia da skouer. Ar vro-se a oa bet kaoz diwar he fenn disadorn e Lannuon, da goulz bodadeg sizhuniek an AFPS, ar Gevredigezh Frañs Palestina Kenskoazell…

Ur reportaj gant Tomaz Laken

 

 

Kan ar Bobl e Kreiz Breizh

Ouzhpenn 300 a skolidi o doa bet an digarez da bignat war al leurenn da ganañ kanaouennoù kozh ha nevez. Abaoe warlene e vez aozet an traoù d’ar Gwener goude kreisteiz, war an amzer-skol, da reiñ an tu d’an holl vugale da gemer perzh. 15 skol oa war ar renk ar bloaz-mañ. 

Ur reportaj gant Tomaz Laken

 

 

Da selaou ouzhpenn er frapad keleier-mañ :

- Taget eo bet kannati Iran e Damas e Siria gant Israel dec'h

- Aet eo ar maout gant Ekrem Imamoglu en dilennadegoù ti-kêr e Istamboul disul

- Barnet e vo hiziv daou stourmer ha stourmerez euskarat evit ar peoc'h a oa bet harzet o tistruj armoù ar strollad ETA

- Harz-labour a vo graet hiziv gant ar gelennerien.ezed

- 10 000 a dud o doa kemeret perzh en ur Rave Party war aerborzh Kemper e-pad an dibenn sizhun

- Ur sell war disoc'hoù ar sportoù e-pad an dibenn sizhun

 

 

Kavit an holl reportajoù AZE